उदयपुर, जेठ ६ । 
उदयपुर सदरमुकाम गाईघाटमा रिपोर्टिङ एन्ड रेफरल मेकानिजम वर्कशव अर्थात घटना व्यवस्थापन तथा सिफारिस प्रणालीसम्बन्धी दुईदिने तालिम सम्पन्न भएको छ । जेठ ४ देखि ५ गतेसम्म संचालन भएको तालिममा बालअधिकार समितिका प्रतिनिधि, लिम्चुङबुङ, रौतमाई, उदयपुरगढी, ताप्लीका जनप्रतिनिधि, समितिमा आवद्ध शिक्षक, स्वास्थ्यकर्मी, स्थानीय विभिन्न बालक्लब प्रतिनिधि तथा सम्बन्धित वडाका वडाध्यक्षहरुको उपस्थिती रहेको थियो ।

वल्र्डभिजन ईन्टरनेशनल नेपालको आर्थिक सहयोगमा जाल्पा एकीकृत विकास समाज उदयपुरद्वारा आयोजित तालिमको सहजीकरण राष्ट्रिय बालधिकार परिषद मधेस प्रदेश समन्वय अधिकृत संजीव महतोले गरेका थिए । सो अभिमुखीकरण कार्यक्रममा बालसंरक्षणसम्बन्धी कानूनी ब्यवस्था, स्थानीय सरकारले गर्दै आएको बालमैत्री ब्यवस्थापनबारे छलफल समेत भएको जाल्पाका कार्यक्रम अधिकृत रुद्र पोखरेलले जानकारी दिए । कार्यक्रममा महिला ९ जनासहित २७ जनाको सहभागिता रहेको थियो ।