उदयपुर, चैत १७ । उदयपुरमा युवतीलाई जबरजस्तीकरणी गरेको आरोप लागेपछि एक पुरुष पक्राउ परेका छन् । १७ वर्षीया एक युवतीले आफूमाथि जवरजस्ती भएको उजुरी दिएसँगै जिल्लाको चौदण्डीगढी नगरपालिका वडा नम्बर ७ का ५६ वर्षीय शिवराज राई समातिएका हुन् ।

युवतीमाथी जबरजस्ती गरेको आरोपित राईलाई इलाका प्रहरी कार्यालय बेल्टारले शुक्रबार पक्राउ गरेको हो । इप्रकाय बेल्टारका इन्चार्ज प्रहरी निरीक्षक बबिन राईका अनुसार सो टना बिहीवारको हो । घटनापछी किशोरीको परिवारले जाहेरी दिएका थिए । लगतै प्रहरीले किशोरीको बयान समेत लिएको थियो । राईलाई जिल्ला अदालत उदयपुरबाट म्याद थप गरी इप्रका बेल्टारको हिरासतमा राखी अनुसन्धान थालिएको छ ।